SEULAMAT BEULEUN SUCI RAMADHAN

Gunong geurudong, puncak meu uke
Manyang bukon le, gunong seulawah
Meuah desya lon, baten ngon lahe
Awai ngon akhe, kadang na salah

Nyoe PUASA, katroh meusampe
Dendam lam hate, bek le takubah
Kadang na haba, salah meurawe
Hingga meupake, meu lieh-lieh lidah

Katroh bak masa, han jeut tunda le
Rakan boh hate, meu'ah beubagah
Bek tinggai dosa, 'oh uroe page
Keunong boh rante, azeub bak ALLAH

Walau pih dosa, ubeut bukon le
Bek jeut meusampe, raya that parah
Peugleh anggota, sigohlom mate
Ngat teunang hate, tawoe bak ALLAH

Umpama dosa, lage naleung gle
Nyoe golom mate, laen meutambah
Meunan umpama, ulon boh mise
Beuseureng sabe, beukayem ta rhah

Kuweh haluwa, pasoe lam cupe
Kuweh meusile, pasoe lam caprah
Ka PUASA, rakan boh hate
Moga bekna le, geutanyoe salah

RUPA DEK FITRI

nyan sinyak fitri, bungong kupula
ceudah that rupa, lagi pih cantek
kulet jih puteh, meucaya caya
hana ngoen peusa, ruman cut adek

badan jih bulat, lagee teu upa
sapai jih dua, meutangke putek
keu ieng jih rampeng, ok patah manyang
bahoe jih keumang, lage geularek( biola )

dak disoek baje, jipinggang ija
rata anggota , minyeuk di reuteik
oh watee dijak, bak jalan raya
mareh peumuda ,meutroen ngoen meu ek

koen meuceh mantoeng, nyan aneuk muda
dum ureueng tuha, ulee meu asek

LAKOE ATRA SEWA

Ingat Adoe Bek Meu Paloe Bak Meu en Cinta
Oeh Raya Pruet Tan Soe Pakoe
Sebab Lakoe Ata Sewa

Jaga Begoet Mahkota Droe
Ngoen Bakoeng Asoe Bek Tatuka
Sebab Rame Bak Jameun Nyoe
Yg Meupaloe Aneuk Dara

Kenoeng Rayuan Sigam Panjoe
Han Ek Then Droe Kateu Goda
Reuloeh Gata Wahe Adoe
Reuloeh Nanggroe Ancoe Bangsa

Jak Beut Oeh Malam Wahe Adoe
Wate Uroe Jak Sikula
Soai Cinta Bek Jeut Ranggoe
Chit Troek Keu Droe Saboeh Masa

Puloem Malem Gata Adoe
Bak Kamoe Nyoe Koep Meu Harga
Sebab Gata Bukoen Lemoe
Tapi Adoe Mutiara

Koen Barang Pre Rasa Sigoe
Barang Kasoe Pih Jeut Raba
Tapi Gata Bungoeng Nangroe
Ingat Adoe Pesan Kanda

Beu Teu Ingat Laba Rugoe
Pike Kedroe Hai Bungoeng Jeumpa

CINTA PEMUDA TANI

Kamoe meu tani kulet meuh itam
Jaroe hai intan gasa leumpah na
Sebab di Kamoe catok meureugam
Dalam tanoh krang kamoe keurija

Meunyoe keu rupa hai bungong karang
Seudeh kon wayang bek le ta kira
Mata sang dilop cukop that dalam
Saket di badan cukop meurasa

Meunyoe di adek keu abg ta sayang
Deungoe keuh intan nasehat kanda
Leubeh goet jinoe ta SEU STOP pacaran
Gata dek sayang laen tamita

Mungken ngen abg gata han garang
Hana sepadan geutanyoe dua
Sebab di abg kon ureung hartawan
Ngen gata intan jioh that beda

Meu mada keuh oh noe haba lon layang
Meuah cut intan Meunyoe na gasa
Meunyoe na kata teupeh peurasaan
Maklum dek sayang abg kecewa.

Bacut beh

Nye Ngen dara kaya kon han ulon tem
Han jeut lon keureuleng wahe syedara
Takot lon singoh cinta di puseng
Di jih meu paleng laen di mita

Peu lom di ulon kerja pat mungken
Lon jak keulileng rata jeut desa
Rata jeut gampong Kabeh lon puseng
Jak mei breuh raskin mita beulanja

Ngen dara kaya mungken han di tem
Hana seubandeng jioh meubeda
Hana selevel kata yang mungken
Meunan keuh polem kata bahasa

Bah ulon jinoe laen keureuleng
Yg seubandeng di kamoe dua
Adak han kaya oh leuh peunganten
Seunang Ngen baten di kamoe dua

BAWANG GOYANG REGGEE

Blang dayah teungoh ceudah beukoen le
Bawang dum sare ureung jak pula
Oh Wate supot jak rawe rawe
Seunang that hate Lagei jak tamasya

Bawang di timoh cukop that sare
Ijoe bukoen le wahe syedara
Boh pih merah raya bukoen le
Seunang that hate oh taeu rupa

Teuma yg ladom di jih ka ligei
Bawang di cungkei ka meu peukara
On ka ngebor lagei na seuwee
Ka goyang reggee lagu india

Ulee ka susah Wate di pikee
Utang Ngen toke pakrie ban cara
Bawang ka demam di goyang sabe
Rubah dum sare man sikrak banja

Si beuleun Leubeh geu siram sabe
Rajin bukoen le Wate keurija
Tp oh jinoe geu jak ka tan le
Kaweuh di hate beu oe keurija

Saba beh aduen rakan boh hate
Meu bek ta mou le wahe syedara
Sebab salah droe hana tapike
Bawang ta cungkei dalam uroe kha‪

#‎makanya‬belajar## hehehe

PLN

Tapeugot kosen taplah bak tampu...
Guna keu pintu atau jeundela...
Dipak PLN geupeumate lampu...
Boh pajan maju lage nyoe negara...

Udep disigli mate dilem putu...
Teuma geupuhu watee ka jula...
Alasan geubi ka rubah bak u...
Atawa gardu bbb ka hana...

Tiep uroe sabe lage nyan laju...
Lampah ngen busu uloen geulawa...
Oh watee mate tuwo geupuhu...
Meujeum jeum ta eu kalenyan cara..

Meunye lagee nyan ka neupeulaku...
Pat meu meungadu kamoe lam desa...
Rata saboh nyan abeh dum karu...
Hanjeut taguen bu leseutrek hana...

Di awak jak beud u dayah abu...
Libur tahun baru nyan ka dikira...
Sabeub han diteujeut takot deuh hantu..
Ka lage nyan laku aneuk remaja...

Hai PLN meutuah rahmat Allahu...
Kamoe that rindu nanggroe beu jaya..
Keubit that susah nye mate lampu...
Kiban deuh meu ue watee membaca..

Dinanggroe malaya watee tadingo su..
Nyan mate lampu hantom dirasa...
Kiban keuh jaya awak nyan maju...
Mata bak buku penerangan pih na..

Meulumpah mangat kulak boh labu...
Cukop meukutru watee tarasa...
Geutanyoe rakyat harus bersatu...
Dinoe laju laju PLN tageulawa...

#GELAP_MASA_DEPAN